8 ნოემბერს “ევროპის უნივერსიტეტს” “ერაზმუს+” საერთაშორისო თანამშრომლობის ფარგლებში, „EKA“ გამოყენებით მეცნიერებათა უნივერსიტეტის (ლატვია) პროფესორი ედგარს ცერკოვსკისი ეწვია. ლატვიელმა პროფესორმა “ევროპის უნივერსიტეტის“ სტუდენტებისთვის ლექცია “ხელოვნური ინტელექტი და მომავალი ტექნოლოგიები განათლებაში” ჩაატარა.
ლექცია ინტერაქციული ხასიათის იყო, სტუდენტებმა იმუშავეს ახალი აპლიკაციის იდეებზე და შექმნეს მარტივი პროტოტიპი.
საერთაშორისო თანამშრომლობის მსგავსი პლატფორმები ხაზს უსვამს “ევროპის უნივერსიტეტის” ერთგულებას განათლებისა და პროფესიული განვითარების ხარისხის ამაღლების მიმართ.
