ჯო ენის საუნივერსიტეტო ჰოსპიტალში პრაქტიკის გავლის მიზნით მედიცინის ფაკულტეტის დიპლომირებული მედიკოსის ერთსაფეხურიანი (ინგლისურენოვანი) საგანმანათლებლო პროგრამის სტუდენტების შესარჩევად კონკურსი გამოცხადდა.
სტუდენტები “ჯო ენის საუნივერსიტეტო ჰოსპიტალში“ კლინიკურ პრაქტიკას მიმდინარე წლის 11-დან 25 აპრილის ჩათვლით გაივლიან.
კონკურსში მონაწილეობისთვის აუცილებელი პირობებია:
ა) GPA > 3.
ბ) სწავლის საფეხური – დიპლომირებული მედიკოსის (ინგლისურენოვანი) ერთსაფეხურიანი საგანმანათლებლო პროგრამის მე-4, მე-5 და მე-6 კურსი.
კონკურსში მონაწილეობის მისაღებად სტუდენტებმა უნდა გაგზავნონ სამოტივაციო წერილი მეილზე: studentscompetition@eu.edu.ge, 2023 წლის 6 აპრილის 22:00 საათამდე.
გამარჯვებულთა გამოვლენის მიზნით, სტუდენტები შეირჩევიან წარმოდგენილი სამოტივაციო წერილებისა და გასაუბრების საფუძველზე.
კონკურსის ფარგლებში დიპლომირებული მედიკოსის ერთსაფეხურიანი (ინგლისურენოვანი) საგანმანათლებლო პროგრამიდან 10 სტუდენტი შეირჩევა.
სტუდენტებთან გასაუბრება ჩატარდება 2023 წლის 7 აპრილს, ხოლო შედეგები გამოქვეყნდება 2023 წლის 10 აპრილს.
პრაქტიკის წარმატებით გავლის შემთხვევაში, სტუდენტებზე შესაბამისი სერტიფიკატები გაიცემა.
