12 ოქტომბერს ევროპის უნივერსიტეტი “თეირანის ენათა ინსტიტუტის” რექტორის – აკბარ გაფურის ვორქშოფს, თემაზე “წარმატების საიდუმლო”, უმასპინძლებს. ღონისძიება არასამთავრობო ორგანიზაცია ტურიზმი და რეალობას ხელმძღვანელის, ამავდროულად, ევროპის უნივერსიტეტის ტურიზმის პროგრამის პროფესორის – ეკა დევიძის ორგანიზებით, ამავე ორგანიზაციას, ევროპის უნივერსიტეტსა და “თეირანის ენათა ინსტიტუტს” შორის გაფორმებული მემორანდუმის ფარგლებში გაიმართება.
ვორქშოფის ძირითადი მიზანია სტუდენტებს წარმატების საიდუმლო, ცხოვრების სხვადასხვა ასპექტების მნიშვნელობაზე ხაზგასმით, “ამოახსნევინოს”. როგორც თავად აკბარ გაფური განმარტავს, ვორქშოფის ფარგლებში, ის შეეცდება სტუდენტებს მატერიალური წარმატების მიღწევის გზებზე, ბედნიერ ცხოვრებასა და ურთირთობების წარმატებით ჩამოყალიბებაზე ესაუბროს.
“თეირანის ენათა ინსტიტუტის” რექტორს – აკბარ გაფურს მსგავსი ტიპის ლექციები ევროპის უნივერსიტეტში აქამდეც არაერთხელ გაუმართავს. ამჯერად ღონისძიება 12 ოქტომბერს, 18 საათამდე უნივერსიტეტის საკონფერენცო დარბაზში გაიმართება. ღონისძიებაზე დასწრება შეუძლიათ ევროპის უნივერსიტეტის, როგორც ქართველ, ისე უცხოელ სტუდენტებს, რომლებიც ფლობენ ინგლისურ ენას.
