5 დეკემბერს, “ევროპის უნივერსიტეტის” სტუდენტთა ჭადრაკის კლუბის პირველი სამუშაო შეხვედრა გაიმართა.
შეხვედრაზე კლუბის ხელმძღვანელმა აბდულა მაკანმა წარმოადგინა კლუბის ხედვა, განიხილა კლუბის წესები და ისაუბრა სამართლიანი თამაშისა და ფიდეს ეთიკის კოდექსის დაცვის მნიშვნელობის შესახებ.
პრეზენტაციის შემდეგ, დაიგეგმა კლუბის აქტივობების საინტერესო სპექტრი, მათ შორის რეგულარული შეხვედრები, ტურნირები, ვორქშოფები და სოციალური ღონისძიებები.
შეხვედრის ბოლოს კლუბის წევრებმა მონაწილეობა მიიღეს სწრაფ ჭადრაკში, რაც ემსახურებოდა კლუბში მეგობრული და კონკურენტული გარემოს ჩამოყალიბებას.
