ოთხშაბათს, 8 მაისს საერთაშორისო ურთიერთობების სამსახურის ხელმძღვანელმა, ლაშა ჩახვაძემ შეხვედრა გამართა ბიზნესის სპეციალობის (ბიზნესის ადმინისტრირება, ფინანსები, ტურიზმი) სტუდენტებთან.
შეხვედრაზე საუბარი იყო ორმხრივი ხელშეკრულებების ფარგლებში მიმდინარე ერთსემესტრიან და მოკლევადიან გაცვლებზე, ასევე ერაზმუს+ პროგრამის ფარგლებში შემოდგომაზე გამოსაცხადებელ კონკურსებზე და მონაწილეობის პირობებზე. სტუდენტებს კიდევ ერთხელ მიეწოდათ ინფორმაცია საერთაშორისო ურთიერთობების სამსახურის ინფორმაციის გავრცელების არხებზე. შეხვედრაზე ასევე საუბარი იყო მომავალში ჩასატარებელ ტრენინგებზე, რაც საერთაშორისო კონკურსებისთვის სტუდენტების მიერ დოკუმენტაციის მოგროვებას და სწორად შევსებას უკავშირდება.
