“ევროპის უნივერსიტეტსა” და “ბუქარესტის პოლიტექნიკურ უნივერსიტეტს” (რუმინეთი) შორის ურთიერთთანამშრომლობის მემორანდუმი გაფორმდა.
ხელშეკრულება ერთობლივი კვლევითი და საგანმანათლებლო პროექტების განხორციელებას და სტუდენტებისა თუ აკადემიური/ადმინისტრაციული პერსონალის მობილობის ხელშეწყობას ისახავს მიზნად.
აღსანიშნავია, რომ “ბუქარესტის პოლიტექნიკური უნივერსიტეტი” არის ერთ-ერთი უძველესი და ყველაზე პრესტიჟული ინსტიტუტი რუმინეთში, რომელიც 1818 წელს დაარსდა.
“ბუქარესტის პოლიტექნიკური უნივერსიტეტი” სტუდენტებს სთავაზობს საგანმანათლებლო პროგრამებს, შვიდი სხვადასხვა ტექნიკური მიმართულებით, სადაც სწავლება სამ ენაზე: ინგლისურად, ფრანგულად და გერმანულად მიმდინარეობს.
