მიხაილ ბალუდიანსკის სახ. ევროპის აკადემიური საზოგადოების პრეზიდენტის, მიხეილ ვარხოლას ორგანიზებითა და ევროპის უნივერსიტეტის ენებისა და კულტურის ცენტრის ხელმძღვანელის, ფიქრია თორიას კოორდინაციით, სლოვაკეთში, უნგრეთში, ჩეხეთსა და გერმანიაში სტაჟირების პროგრამა – „პედაგოგიური პროექტირება: ევროპული ტრადიციები და ნოვატორობა“ – ჩატარდება.
სტაჟირების პროგრამის მიზანია ეფექტიანი პრაქტიკის შესწავლა, ადგილობრივი და უცხოური გამოცდილების ტრანსლაცია, უმაღლესი სასწავლო დაწესებულებების სამეცნიერო-პედაგოგიურ მუშაკთა პროფესიული კვალიფიკაციის ამაღლება, საერთაშორისო პედაგოგიური საზოგადოების – „თვით მასწავლებელი“ – სამეცნიერო-პრაქტიკული სემინარების სერიისა და კონსულტაციების გაგრძელება ევროპის უნივერსიტეტების პედაგოგთა და მეცნიერთა მონაწილეობით.
პროგრამა 2019 წლის 24-29 ოქტომბერს განხორციელდება. მონაწილეობის მსურველებმა დეტალური ინფორმაცია იხ. ბმულზე.
