17 თებერვალს, ევროპის უნივერსიტეტსა და კომპანია „დიოს“ შორის გაფორმებული მემორანდუმის ფარგლებში, ევროპის უნივერსიტეტის ბიზნესისა და ტექნოლოგიების ფაკულტეტის, მესამე კურსის სტუდენტებმა, მარიამ ვალიშვილმა, თამთა სურგულაძემ და ანი წიწილაშვილმა, განახორციელეს კვლევა მომხმარებლის ქცევაზე და შედეგები კომპანიის ხელმძღვანელებს გაუზიარეს.
კვლევას ხელმძღვანელობდა ევროპის უნივერსიტეტის აფილირებული პროფესორი თორნიკე ხოშტარია. მთავარ მიზანს წარმოადგენდა მომხმარებლების მიერ გადაწყვეტილების მიღების პროცესის გაანალიზება და ძირითადი ფაქტორების გამოვლენა. შედეგების გაცნობის შემდეგ, მკვლევარებსა და კომპანიის ხელმძღვანალებს შორის, საინტერესო დისკუსია გაიმართა.
