21 თებერვალს, ევროპის უნივერსიტეტში, პრაქტიკული სამართლის კლინიკის (street law) დაჯილდოების ცერემონია გაიმართა.
კლინიკა წარმოადგენს უნივერსიტეტის სამართლის, ჰუმანიტარული და სოციალური მეცნიერებების ფაკულტეტის სამაგისტრო პროგრამის ერთ-ერთ კომპონენტს, რომელიც ითვალისწინებს მაგისტრანტების მიერ, სამართლის სხვადასხვა თემაზე თბილისის საჯარო სკოლის მოსწავლეებისთვის ტრენინგების ჩატარებას.
ამჟამად, კლინიკამ თბილისის 166-ე საჯარო სკოლასთან ითანამშრომლა. პროექტის წარმატებით დასრულების აღსანიშნავად, კლინიკის ხელმძღვანელმა ეკა კაველიძემ სკოლის მოსწავლეები შესაბამისი სერტიფიკატებით დააჯილდოვა.
