17-22 ივლისს „ევროპის უნივერსიტეტს“ ბულგარეთის „სოფიას მედიცინის უნივერსიტეტის“ და ევროპის უნივერსიტეტის პროფესორები ოლგა ანტონოვა და დრაგომირა ნიკოლოვა, ეწვევიან.
მოწვეული პროფესორები სპეციალურად მედიცინის ფაკულტეტის დიპლომირებული მედიკოსის პროგრამის სტუდენტებისთვის გენეტიკის მიმართულებით ლექცია / სემინარებს ჩაატარებენ. ექვსი დღის განმავლობაში სპეციალისტების ხელმძღვანელობით სტუდენტებს შესაძლებლობა ექნებათ გაიღრმაონ ცოდნა გენეტიკაში და საერთაშორისო გამოცდილება გაიზიარონ.
„სოფიას მედიცინის უნივერსიტეტის“ პროფესორების ვიზიტი მნიშვნელოვანია “ევროპის უნივერსიტეტის” საგანმანათლებლო პროგრამების ინტერნაციონალიზაციის და კოლეგებს შორის გამოცდილების გაზიარების კუთხით.
