“ევროპის უნივერსიტეტსა” და “მინდანაოს უნივერსიტეტს” (ფილიპინები) შორის ურთიერთთანამშრომლობის მემორანდუმი გაფორმდა.
ხელშეკრულება ერთობლივი კვლევითი და საგანმანათლებლო პროექტების განხორციელებას და სტუდენტებისა თუ აკადემიური/ადმინისტრაციული პერსონალის მობილობის ხელშეწყობას ისახავს მიზნად.
აღსანიშნავია, რომ “მინდანაოს უნივერსიტეტი” 1946 წელს დაარსდა და ფილიპინებში ერთ-ერთ უძველეს კერძო საგანმანათლებლო დაწესებულებას წარმოადგენს. “მინდანაოს უნივერსიტეტი” სტუდენტებს 100-ზე მეტ საბაკალავრო და სამაგისტრო პროგრამას სთავაზობს.
“მინდანაოს უნივერსიტეტი” “ევროპის უნივერსიტეტისთვის” ფილიპინებში რიგით პირველი პარტნიორია.
