ევროპის უნივერსიტეტი სრულად დაფინანსებულ სტუდენტურ შესარჩევ კონკურსს გაცვლით პროგრამაში მონაწილეობის მისაღებად აცხადებს.
- მასპინძელი უნივერსიტეტი: ხმელნიცკის ეროვნული უნივერსიტეტი, უკრაინა;
- სამიზნე საგანმანათლებლო პროგრამები: ბიზნესის ადმინისტრირება, მენეჯმენტის სამაგისტრო პროგრამა;
- მობილობის პერიოდი და ხანგრძლივობა: 2021/2022 აკადემიური წლის გაზაფხულის სემესტრი, 5 თვე;
- სასტიპენდიო შეთავაზება: უფასო სწავლა, მგზავრობის ხარჯების ანაზღაურება, სტუდენტურ საცხოვრებელში უფასო განთავსება;
- ადგილების რაოდენობა: 2;
შესარჩევი კონკურსი წარიმართება დისტანციურ რეჟიმში, Zoom-ისა და Moodle-ის პლატფორმების გამოყენებითა და ევროპის უნივერსიტეტის ”საერთაშორისო მობილობის პროგრამაში მონაწილეობის წესის” შესაბამისად.
- გამოცდა ინგლისურ ენაში – დონე B2 (ოთხშაბათი, 26 იანვარი, 12:00)
წერითი გამოცდა ჩატარდება Moodle-ის პლატფორმაზე, ხოლო ზეპირი – Zoom-ის გამოყენებით.
შენიშვნა: თუ სტუდენტი წარმოადგენს ინგლისური ენის ცოდნის დამადასტურებელ ისეთ ვალიდურ საერთაშორისო სერთიფიკატებს, როგორიცაა: IELTS, TOEFL, CAMBRIDGE, მას არ უწევს აღნიშნული გამოცდის ჩაბარება და კომისია საორიენტაციოდ იღებს მის სასერთიფიკატო გამოცდის ქულას.
- გასაუბრება ინგლისურ ენაზე (პარასკევი, 28 იანვარი, 16:00)
ორშაბათს, 31 იანვარს, კომისია კონკურსის შედეგად მიღებულ ყველაზე მაღალი ქულების მქონე 2 სტუდენტს გამოავლენს.
კონკურსში მონაწილეობის მისაღებად, გთხოვთ, შეავსოთ ქართულენოვანი სააპლიკაციო ფორმა: https://forms.gle/zcWmGUJ9cVFwTvF77
განაცხადების მიღება შეწყდება ორშაბათს, 24 იანვარს, შუა დღის 12:00 საათზე.
დამატებითი კითხვების შემთხვევაში, გთხოვთ, მიმართოთ საერთაშორისო ურთიერთობების სამსახურს, ელ.ფოსტაზე: international.office@eu.edu.ge
