ევროპის უნივერსიტეტსა და უტენას გამოყენებით მეცნიერებათა უნივერსიტეტს (ლიეტუვა) შორის ურთიერთთანამშრომლობის მემორანდუმი გაფორმდა.
დოკუმენტის ხელმოწერით, მხარეებმა მზადყოფნა ერთობლივი კვლევითი და საგანმანათლებლო პროგრამების განვითარებასა და სტუდენტებისა თუ აკადემიური პერსონალის მობილობის განხორციელების ხელშეწყობაზე გამოთქვეს.
აღსანიშნავია, რომ უტენას გამოყენებით მეცნიერებათა უნივერსიტეტი ისეთი ძირითადი მიმართულებებით მუშაობს, როგორებიცაა: სასწავლო პროგრამების შემუშავება, აკადემიური და სამეცნიერო საქმიანობის გაძლიერება, საერთაშორისო არეალის გაფართოება და სხვა. დღესდღეობით, უტენას გამოყენებით მეცნიერებათა უნივერსიტეტი ახორციელებს 21 საგანმანათლებლო პროგრამას.
