„ევროპის უნივერსიტეტი“ აცხადებს მიღებას ჟან მონეს სასერტიფიკატო საზაფხულო აკადემიაში “ევროკავშირის გაფართოება: წარსულის გაკვეთილები სამომავლო გადაწყვეტილებებისთვის“.
აკადემიის ლექტორები არიან ქართველი და ევროპელი ექსპერტები. პროგრამა თანადაფინანსებულია ევროკავშირის მიერ. კურსის წარმატებით დასრულების შემდეგ გაიცემა ინგლისურენოვანი სერტიფიკატი. რეგისტრაციისთვის მიჰყევით ბმულს.
საერთაშორისო ლექციები (ონლაინ):
- თარიღი: 22-26 აგვისტო, 2024
- დრო: 11:00 – 15:30 (ყოველდღიურად)
- ფორმატი: ონლაინ, Zoom-ის მეშვეობით
დასკვნითი ცერემონია (ადგილზე):
- თარიღი: 5 სექტემბერი, 2024
- დრო: 11:00 – 17:00
- ადგილმდებარეობა: „ევროპის უნივერსიტეტი“, თბილისი.
აკადემიაში დაშვების კრიტერიუმებია:
- ენობრივი კომპეტენცია: მინიმალური ინგლისური ენის ცოდნა B1 დონეზე.
- სამიზნე აუდიტორია: ღიაა საქართველოში დროებით ან მუდმივად მცხოვრები ნებისმიერი ეროვნების საშუალო სკოლის მოსწავლეებისა და უნივერსიტეტის სტუდენტებისთვის.
- სპეციალური კვოტა: გამოყოფილია სპეციალური კვოტა საქართველოში მცხოვრები უკრაინელებისთვისა და ახალგაზრდა მკლევრებისთვის
სერტიფიკატის მისაღებად საჭიროა ონლაინ სესიების მინიმუმ 80%-ში მონაწილეობა და დასკვნით ღონისძიებაზე დასწრება.
რეგისტრაციის ბოლო ვადა: 20 აგვისტო, 2024
შერჩევის პროცესი: დაშვება მოხდება რიგითობის პრინციპით იმ პირებისთვის, ვინც აკმაყოფილებს კრიტერიუმებს.
დამატებითი ინფორმაციისთვის დაუკავშირდით ჟან მონეს მოდულის აკადემიურ კოორდინატორს, „ევროპის უნივერსიტეტის“ აფილირებულ ასოცირებულ პროფესორს, თათია დოლიძეს ელ.ფოსტაზე tatia.dolidze@eu.edu.ge
ნუ გამოტოვებთ ამ შესაძლებლობას გააფართოვოთ თქვენი ცოდნა და მიიღოთ საერთაშორისოდ აღიარებული სერტიფიკატი!
