„ევროპის უნივერსიტეტი“ მთელი ქვეყნის მასშტაბით საჯარო და კერძო სკოლების მე-12 კასელებისთვის აცხადებს ოლიმპიადას ქართულ ენასა და ლიტერატურაში – „განათლება ქმნის მომავალს“.
ოლიმპიადის მიზანია მოსწავლეებში განათლების როლის პოპულარიზება და შემოქმედებითი უნარ-ჩვევების განვითარება.
16 დეკემბერს კონკურსის ფარგლებში მოსწავლეებმა უნდა შექმნან ესე სპეციალურად შერჩეულ თემაზე. ესეს თეზისი მონაწილეებისთვის ცნობილი გახდება ოლიმპიადის დაწყებამდე 5 წუთით ადრე.
ოლიმპიადა აღმოსავლეთისა და დასავლეთის სკოლებისთვის ორ ლოკაციაზე პარალელურად ჩატარდება:
- თბილისი – „ევროპის უნივერსიტეტი“, გურამიშვილის გამზირი N76
- ქუთაისი – „ქუთაისის უნივერსიტეტი“, წერეთლის ქუჩა N13
კონკურსანტებმა ოლიმპიადის დღეს 3 საათში წერილობითად უნდა შეასრულონ მინიმუმ 250 სიტყვიანი ესე ქართულ ენაზე.
ესეები ექვემდებარება შესაბამისი პროგრამით (Turnitin) შემოწმებას და პლაგიატის დადგენის შემთხვევაში არ განიხილება. ოლიმპიადას გამოეთიშებიან ასევე პიროვნების შეურაცხმყოფელი, აგრესიული, არანორმატიული ლექსიკის შემცველი ნაშრომის ავტორები.
„ევროპის უნივერსიტეტის“ მიერ ოლიმპიადისთვის სპეციალურად შერჩეული კომისია 16 იანვრამდე გამოავლენს სამ საუკეთესო ნაშრომს.
მიღებული ქულების გასაჩივრება მონაწილეებს შეეძლებათ შედეგების გამოცხადებიდან 2 დღის ვადაში.
I, II და III ადგილზე გასულ მოსწავლეებს „ევროპის უნივერსიტეტი“ გრანდიოზული პრიზებით დააჯილდოებს.
შენიშვნა: თანაბარ ქულიანი ნაშრომების გამოვლენის შემთხვევაში გამარჯვებული გამოვლინდება კომისიასთან გასაუბრების შემდეგ.
ოლიმპიადის „განათლება ქმნის მომავალს“ დაჯილდოების ცერემონია 24 იანვარს, განათლების საერთაშორისო დღეს გაიმართება.
ოლიმპიადაში მონაწილეობის მისაღებად აბიტურიენტები დარეგისტრირდით ბმულზე.
რეგისტრაციის ბოლო ვადა: 1 დეკემბერი
ოლიმპიადის დებულება და ესეს შეფასების კრიტერიუმები იხილეთ ბმულზე: დებულება
გისურვებთ წარმატებებს!
