2023-2024 სასწავლო წლის შემოდგომის სემესტრში „ევროპის უნივერსიტეტი“ გარე მობილობით 65 სტუდენტს მიიღებს. განათლების მართვის საინფორმაციო სისტემის მობილობის ელექტრონულ პლატფორმაზე სტუდენტების რეგისტრაცია 2023 წლის 21 აგვისტოდან დაიწყება და 7 სექტემბრის 18:00 საათამდე გაგრძელდება.
„ევროპის უნივერსიტეტში“ პროგრამების მიხედვით ვაკანტური ადგილების რაოდენობა, სწავლის საფასური და მისაღები სასწავლო სემესტრები განისაზღვრა.
სამართლის, განათლების, ბიზნესისა და ტექნოლოგიების ფაკულტეტი:
სამართლის საბაკალავრო პროგრამა – 5 ვაკანტური ადგილი, სწავლის საფასური 2250 ლარი, მობილობა გამოცხადებულია I და III სასწავლო სემესტრებზე;
საერთაშორისო ურთიერთობების საბაკალავრო პროგრამა – 5 ვაკანტური ადგილი, სწავლის საფასური 2250 ლარი, მობილობა გამოცხადებულია I და III სასწავლო სემესტრებზე;
ბიზნესის ადმინისტრირების საბაკალავრო პროგრამა – 5 ვაკანტური ადგილი, სწავლის საფასური 2250 ლარით, მობილობა გამოცხადებულია I და III სასწავლო სემესტრებზე;
ინფორმატიკის საბაკალავრო პროგრამა – 5 ვაკანტური ადგილი, სწავლის საფასური 2250 ლარი, მობილობა გამოცხადებულია I, III და V სასწავლო სემესტრებზე;
ტურიზმის საბაკალავრო პროგრამა – 5 ვაკანტური ადგილი, სწავლის საფასური 2250 ლარი, მობილობა გამოცხადებულია I და III სასწავლო სემესტრებზე.
მედიცინის ფაკულტეტი:
დიპლომირებული მედიკოსის (ქართულენოვანი) ერთსაფეხურიანი საგანმანათლებლო პროგრამა – 15 ვაკანტური ადგილი, სწავლის საფასური 4500 ლარი, მობილობა გამოცხადებულია I, II, III, IV და V სასწავლო სემესტრებზე;
სტომატოლოგიის (ქართულენოვანი) ერთსაფეხურიანი საგანმანათლებლო პროგრამა – 10 ვაკანტური ადგილი, სწავლის საფასური 3500 ლარი, მობილობა გამოცხადებულია ყველა სასწავლო სემესტრზე;
ფსიქოლოგიის საგანმანათლებლო პროგრამა – 10 ვაკანტური ადგილი, სწავლის საფასური 2250 ლარი, მობილობა გამოცხადებულია ყველა სასწავლო სემესტრზე.
ვეტერინარიის ფაკულტეტი:
ვეტერინარიის ინტეგრირებული სამაგისტრო საგანმანათლებლო პროგრამა – 5 ვაკანტური ადგილი, სწავლის საფასური 3500 ლარი, მობილობა გამოცხადებულია I და III სასწავლო სემესტრებზე.
21 აგვისტოდან მობილობის ელექტრონულ პორტალზე რეგისტრაციისთვის გამოიყენეთ ბმული: https://students.emis.ge/
