ევროპის უნივერსიტეტში ერაზმუს+ ჟან მონეს პროექტის – “ევროპული ღირებულებებისა და სტანდარტების განვითარება საქართველოს სკოლებში (EU-GS)”, ფარგლებში, საჯარო სკოლების დირექტორ-მასწავლებლებისთვის განკუთვნილი მეთოდური სახელმძღვანელოს პრეზენტაცია გაიმართა, რომელიც 2021 წლის ზაფხულში ევროპის უნივერსიტეტის ამავე პროექტის ფარგლებში ჩატარებული საველე კვლევის შედეგებსა და შესაბამის რეკომენდაციებზე დაყრდნობით შექმნილი პოლიტიკის დოკუმენტის საფუძველზე შემუშავდა.
სახელმძღვანელო მასწავლებლებს თეორიული და პრაქტიკული მასალისგან შემდგარ მეთოდიკას სასწავლო პროცესსა და ზოგადად, სკოლის ცხოვრებაში ევროპული ღირებულებებისა თუ სტანდარტების გასავრცელებლად სთავაზობს.
პრეზენტაცია EU-GS პროექტის ხელმძღვანელმა თათია დოლიძემ და ევროპის უნივერსიტეტის რექტორმა ნინო ტალიაშვილმა გახსნეს და პროექტის ფარგლებში, საჯარო სკოლებში სახელმძღვანელოს მნიშვნელობაზე ისაუბრეს.
პრეზენტაციის შემდგომ, ტრენინგები თემებზე, „სასწავლო სახელმძღვანელოებისა და სწავლების მეთოდიკის ოპტიმიზაცია“ და „სასკოლო კულტურის განვითარება“, თბილისის 14 საჯარო სკოლის 28 მასწავლებლისთვის გაიმართა, რომელსაც მარიამ კილანავა, ლელა აბდუშელიშვილი და გიორგი ლეკვეიშვილი უძღვებოდნენ.
ტრენინგები კითხვა პასუხის რეჟიმში, მასწავლებლების სრული ჩართულობით ჩატარდა.
აღსანიშნავია, რომ ტრენინგები, ასევე, დაგეგმილია რეგიონული მასშტაბით, თელავის, ზუგდიდის, ახალქალაქისა და მარნეულის საჯარო სკოლებშიც.
EU-GS პროექტის მიზანი ევროკავშირთან ასოცირების ხელშეკრულებით ნაკისრი ვალდებულებების შესრულების გზაზე საქართველოს საშუალო განათლების სისტემის ევროპეიზაციის მიმართულებით დახმარებაა.
პროექტის შესახებ დამატებით ინფორმაციას გთხოვთ, ეწვიოთ ბმულს – http://eu-gs.ge/
