ევროპის უნივერსიტეტის ბიზნესისა და ტექნოლოგიების ფაკულტეტის, გლობალიზაციის ეკონომიკური და სოციალური პრობლემების კვლევითი ინსტიტუტისა და ჟურნალის, „გლობალიზაცია და ბიზნესი“, თანაორგანიზატორობით, IV ეროვნული სამეცნიერო კონფერენცია – “პოსტპანდემიური მსოფლიო და საქართველოს ეკონომიკა: გამოწვევები, პრობლემები, გადაჭრის გზები“ გაიმართება.
კონფერენცია მიმდინარე წლის 10 სექტემბერს, ეკონომისტთა დღეს ჩატარდება და განხილული იქნება ისეთი საკითხები, როგორებიცაა: პოსტპანდემიურ პერიოდში ეკონომიკური ზრდის და განვითარების პრობლემები; პანდემიის მიერ შექმნილი ახალი გლობალური წესრიგი და პოსტკრიზისული ეკონომიკური განვითარების პერსპექტივები; ეკონომიკური მეცნიერების მიერ პანდემიით გამოწვეული ეკონომიკური პრობლემების ახლებური გააზრება; ეკონომიკური პოლიტიკის ძირითადი გამოწვევები პოსტპანდემიურ პერიოდებში; ეკონომიკაზე პანდემიის გავლენის ეკონომეტრიკული მოდელირება და ა.შ.
აღსანიშნავია, რომ კონფერენციის სამეცნიერო-საორგანიზაციო კომიტეტში ქვეყნის მასშტაბით სხვადასხვა პროფესორებთან და მეცნიერებთან ერთად, წარმოდგენილი არიან ევროპის უნივერსიტეტის პროფესორები – გივი ბედიანაშვილი, თორნიკე ხოშტარია, გოჩა თუთბერიძე და მაია აზმაიფარაშვილი.
- დეტალური ინფორმაცია, კონფერენციასთან დაკავშირებით იხ. თანდართულ ფაილში:
