13 დეკემბერს, ევროპის უნივერსიტეტმა პარტნიორი ორგანიზაციებისთვის ბიზნეს ვახშამი გამართა.
შეხვედრის მიზანი ბიზნესის სფეროში მოღვაწე დამსაქმებელთა მხრიდან, ევროპის უნივერსიტეტის ბიზნესისა და ტექნოლოგიების პროგრამის შეფასება და, ამ მიზნით, დამსაქმებელთა მოთხოვნების განხილვა იყო.
ღონისძიების პირველი ნაწილი არაფორმალურ შეხვედრას დაემთო, სადაც უშუალო კომუნიკაციისა და ვახშმის ფონზე მხარეებმა სამომავლო პერსპექტივები და თანამშრომლობის ის ფორმები განიხილეს, რასაც უნივერსიტეტი, მჭიდრო და ეფექტიანი კოლაბორაციის მიზნით, პარტიორ ორანიზაციებს სთავაზობს. შეხვედრის მეორე ნაწილში სტუმრებმა საკონფერენციო სივრცეში გადაინაცვლეს.
პარტნიორებმა, კურსდამთავრებულებთან დაკავშირებით, საკუთარ მოლოდინებზე ისაუბრეს, შეჯერდა ის ძირითადი სფეროები და უნარები, რომელთა ცოდნაც გაზრდის მოთხოვნას კურსდამთავრებულებზე და მათ დასაქმების ბაზარზე კონკურენტუნარიანს გახდის.
