2019 წლის 3 მაისს, შოთა რუსთაველის საქართველოს ეროვნული სამეცნიერო ფონდის გენერალური დირექტორი ზვიად გაბისონია ევროპის უნივერსიტეტს ეწვევა. შეხვედრა მიზნად ისახავს, განათლების რეფორმის ფარგლებში, მეცნიერების მიმართულებით არსებული მდგომარეობის, გამოწვევებისა და სამომავლო პერსპექტივების გაცნობას.
ფონდის დირექტორი დამსწრე საზოგადოებას წარუდგენს მეცნიერების მიმართულებით დაგეგმილ ცვლილებებს, ისაუბრებს ფონდის ახალ პროექტებზე, ინიციატივებსა და 2019 წელს განსახორციელებელ გეგმებზე.
ასევე, რუსთაველის ფონდის წარმომადგენლები ისაუბრებენ გამოყენებითი კვლევებისათვის სახელმწიფო სამეცნიერო გრანტების 2019 წლის კონკურსის შესახებ.
სამეცნიერო-კვლევითი საქმიანობის ხელშეწყობის ცენტრი შეხვედრას 4 საათზე, ევროპის უნივერსიტეტის ადმინისტრაციულ შენობაში გამართავს. ( გურამიშვილის გამზ. 76; მე-4 სართ., შეხვედრების ოთახი – 409).
დასწრება თავისუფალია.
